Merdara, pika më e ngarkuar kufitare këtë mëngjes

Qendra Kombëtare për Menaxhim Kufitar ka përditësuar të dhënat mbi gjendjen në pikëkalimet kufitare të Kosovës.

Sipas njoftimit të fundit, pika më e ngarkuar këtë mëngjes është ajo e Merdares. Në hyrje, pritjet variojnë nga 5 deri në 10 minuta, ndërsa në dalje nga 10 deri në 20 minuta. Nuk është bërë e ditur gjatësia e kolonave.

Pikat e tjera kufitare paraqiten më pak të ngarkuara, me pritje prej 1 deri në 5 minuta.

Të dhënat janë përditësuar në ora 06:28.